નવી દિલ્હી, શનિવાર
Rupee against Dollar : શુક્રવારે ડૉલર સામે રૂપિયાના મૂલ્યમાં મોટો ઘટાડો થયો હતો. ઐતિહાસિક ઘટાડા પછી તે તેની સર્વકાલીન નીચી સપા ટીને સ્પર્શી ગયો હતો. અમેરિકી ડોલર સામે રૂપિયો 35 પૈસા ઘટીને 83.48 રૂપિયા પર બંધ થયો.
અગાઉ, રૂપિયાનું સૌથી નીચું સ્તર 83.40 હતું, જે 13 ડિસેમ્બર, 2023 ના રોજ સ્પર્શ્યું હતું. શુક્રવારે સવારે ભારતીય ચલણ ડૉલરના મુકાબલે 83.28 રૂપિયાના સ્તરે ખુલ્યું હતું. સાંજ સુધીમાં તેમાં વધુ ઘટાડો થયો. અન્ય વિદેશી કરન્સી યુરો અને પાઉન્ડ સામે પણ ડૉલર મજબૂત થયો છે.
ઈન્ટ્રાડે ટ્રેડમાં ડોલર સામે રૂપિયો ઘટીને 83.52 થઈ ગયો
સ્વિસ નેશનલ બેંક (SNB) દ્વારા વ્યાજદરમાં અણધાર્યા ઘટાડાથી પણ રૂપિયાના મૂલ્ય પર અસર પડી હતી. SNBએ વ્યાજ દરોમાં 25 બેસિસ પોઈન્ટનો ઘટાડો કરીને 1.5 ટકા કર્યો છે. આ પછી, અપેક્ષાઓ વધી છે કે યુરોપિયન સેન્ટ્રલ બેંક (ECB) જૂન 2024 માં પણ વ્યાજ દરમાં ઘટાડો કરી શકે છે. શુક્રવારે એશિયાની અન્ય કરન્સીમાં પણ ઘટાડો થયો હતો. જેના કારણે ડોલર સામે રૂપિયો 35 પૈસા તૂટ્યો હતો. ઈન્ટ્રાડે ટ્રેડમાં તે ડોલર સામે ઘટીને 83.52ના સ્તરે પહોંચી ગયો હતો.
યુરો અને પાઉન્ડમાં નબળાઈને કારણે ડૉલર મજબૂત થયો
રિસર્ચ એનાલિસ્ટ અનુજ ચૌધરીના જણાવ્યા અનુસાર, યુરો અને પાઉન્ડમાં નબળાઈને કારણે યુએસ ડોલર મજબૂત થયો છે. બેન્ક ઓફ ઈંગ્લેન્ડ દ્વારા વ્યાજદરમાં કોઈ ફેરફાર ન કરવાને કારણે પાઉન્ડમાં ઘટાડો થયો છે. અમેરિકાના મજબૂત આર્થિક ડેટાએ પણ ડૉલરને મજબૂત કરવામાં મદદ કરી.
ડૉલર ઇન્ડેક્સ વધે છે, ઑઇલ બેન્ચમાર્ક પણ વધે છે
વિશ્વની છ સૌથી મોટી કરન્સી સામે યુએસ ચલણની મજબૂતાઈ દર્શાવતો ડૉલર ઇન્ડેક્સ શુક્રવારે 0.31 ટકા વધીને 104.32 પર પહોંચ્યો હતો. વૈશ્વિક તેલ બેન્ચમાર્ક પણ 0.05 ટકા વધીને બેરલ દીઠ $85.74 પર પહોંચી ગયો છે. અનુજ ચૌધરીના મતે હાલમાં આ તમામ સંજોગો રૂપિયાની નબળાઈ તરફ ઈશારો કરી રહ્યા છે. જો રિઝર્વ બેંક ઓફ ઈન્ડિયા ડોલરનું વેચાણ કરે તો તે રૂપિયાને સ્થિર કરવામાં મદદ કરી શકે છે.
સોના-ચાંદીના ભાવમાં પણ ઘટાડો નોંધાયો હતો
શુક્રવારે BSE સેન્સેક્સ 190.75 પોઈન્ટ અથવા 0.26 ટકાના વધારા સાથે 72,831.94 પોઈન્ટ પર બંધ થયો હતો. આ સિવાય NSEનો નિફ્ટી 84.80 પોઈન્ટ અથવા 0.39 ટકા વધીને 22,096.75 પોઈન્ટ પર પહોંચ્યો છે. સ્ટોક એક્સચેન્જના ડેટા અનુસાર, વિદેશી સંસ્થાકીય રોકાણકારો (FII) એ ગુરુવારે રૂ. 1,826.97 કરોડના શેરનું વેચાણ કર્યું હતું. દરમિયાન શુક્રવારે સોનાનો ભાવ પ્રતિ તોલા રૂ.875ના ઘટાડા સાથે રૂ.66575 અને ચાંદીનો ભાવ પણ રૂ.760 ઘટીને રૂ.76990 થયો હતો.
