નવી દિલ્હી, સોમવાર
Modi Govt Announced 3 Crore House : નવી કેબિનેટની પ્રથમ બેઠક વડાપ્રધાન નરેન્દ્ર મોદીના નિવાસસ્થાને ચાલી રહી છે. આ દરમિયાન મોદી કેબિનેટે મોટો નિર્ણય લીધો છે. મોદી કેબિનેટે પોતાના પહેલા નિર્ણયમાં 3 કરોડ વધારાના મકાનો બનાવવાનો નિર્ણય લીધો હતો. તમને જણાવી દઈએ કે આ યોજના હેઠળ અત્યાર સુધીમાં 4.21 કરોડ મકાનો બનાવવામાં આવ્યા છે.
વડાપ્રધાન નરેન્દ્ર મોદીએ ત્રીજી ટર્મ માટે તેમની કેબિનેટની રચના કરી છે. જેની પ્રથમ બેઠક આજે એટલે કે સોમવારે લોક કલ્યાણ માર્ગ પર પીએમના નિવાસ સ્થાને ચાલી રહી છે. આ બેઠકમાં અમિત શાહ, રાજનાથ સિંહ અને જેપી નડ્ડા સહિત મોદી કેબિનેટના 30 મંત્રીઓ હાજર છે. મોદી કેબિનેટની બેઠક દરમિયાન પહેલો નિર્ણય પણ લેવામાં આવ્યો છે. તેના પહેલા નિર્ણયમાં, મોદી કેબિનેટે પ્રધાનમંત્રી આવાસ યોજના હેઠળ 3 કરોડ વધારાના મકાનો બનાવવાનો નિર્ણય કર્યો. આ તમામ મકાનોમાં તમામ પ્રાથમિક સુવિધાઓ હશે. તમને જણાવી દઈએ કે 10 વર્ષમાં 4.21 કરોડ મકાનો બન્યા છે.
મોદી કેબિનેટે તેની પ્રથમ બેઠકમાં ગરીબો માટે ત્રણ કરોડ નવા મકાનો બનાવવાની મંજૂરી આપી છે. પ્રધાનમંત્રી આવાસ યોજના હેઠળ ગામડાઓ અને શહેરોમાં આ ઘરોમાં શૌચાલય, વીજળી, પાણી અને ગેસ કનેક્શન હશે. યોજના હેઠળ કેન્દ્ર અને રાજ્ય સરકાર તરફથી મકાન બનાવવા માટે આર્થિક સહાય આપવામાં આવે છે. મોદી 3.0ની પ્રથમ કેબિનેટ બેઠક સોમવારે, 10 જૂનના રોજ પીએમ આવાસ પર યોજાઈ હતી. જેમાં તમામ કેબિનેટ મંત્રીઓએ ભાગ લીધો હતો.
